Actividade: Quen é quen?
Materia: Segunda lingua estranxeira: francés
Curso: 2º PMAR
Nivel: A1-A2
Unidade: la famille
et la description de personnes
Estariamos ao final da unidade sobre a familia e as descricións
de persoas. Antes de mandarlle unha actividade relacionada co tema, faríamos un
braisntorming para recordar o
vocabulario xa visto anteriormente na clase.
En primeiro lugar, pegaría unha “chuleta” na pizarra con
construcións que dimos para describir ás persoas: Il
est brun, Elle est grande, Il a les yeux bleus, Elle a les cheveux longues, Il
est sympa, Elle est mignonne... Despois, poría unha foto dunha persoa na pantalla e entre
todos teriamos que describir o seu aspecto físico e como cremos que é persoalmente.
Un voluntario iría apuntando as frases que se van formando.
Unha vez rematada esa preactividade, repartiríalles aleatoriamente
a cada alumno/a un papeliño co nome dun compañeiro. Ninguén poderá dicir quen lle
tocou porque terán que facer unha pequena descrición sobre esa persoa en
secreto. Mentres escriben a descrición, eu iría observando cada unha e
axudaríalles se teñen algunha dúbida ou erro.
Por último, cando todos acabasen de escribir, cada
alumno/a tería que ler en alto a súa descrición ao resto da clase sen dicir o
nome da persoa. Unha vez que todos acabasen de ler, faríamos unha votación para
ver de quen se trataba cada descrición.
Ben deseñada para un ghrupo PMAR. Na primeira parte de exemplo, podes poñer unha persoa da túa familia e pedirlles que na parte da personalidade, aventuren respostas sobre como pensan que é esa persoa, respostas que logo ti podes comentar.
ResponderEliminarÉ unha actividade moi axeitada para PMAR, é sinxela e polo tanto son capaces de facela e iso é gratificante para eles. Por certo, non te vai facer falta a votación, en canto se decaten de quen é o compañeiro, non son capaces de calar, pero iso está moi ben. Bo traballo!
ResponderEliminar